Sinunod ni Mav ang hiling ng lola niya. Pagkatapos ng trabaho ay dinala niya sa isang parke si Priya. Puno ng mga pailaw ang lugar na iyon at nagustuhan naman ng kaniyang kasama. Ginawa niyang photographer si Mav. Panay ang kuha ng litrato kung saan niya maisip magpa-picture. May ibang pagkakataon pa na gusto niyang kasama ang binata ngunit ayaw nito.
Kung ang babae ay tuwang-tuwa, si Mav naman ay naiinip na't naiinis. Hindi n'ya lamang pinapahalata dahil baka magsumbong sa dalawang matanda at magalit pa sa kaniya. Tiyak din siyang pati Papa niya ay mapapagalitan siya kapag hindi niya maasikaso nang maayos ang bisita nila. Kanina niya pa gustong umuwi.
Mag-aalas otso na ng gabi nang mga oras na iyon ayon sa relong suot ng binata. Sinilip niya rin ilang beses ang cellphone niya para tign
