Tumayo na siya mula sa pagkakasalampak sa damuhan at nilapitan ang dalaga. Nilahad niya ang isang kamay sa harap ni Lilith bilang paghamon at tatawa-tawa dahil pati ang dalaga ay napag-isipan niya pang idamay.
Ano Lilith kakasa ka ba sa hamon?" malakas na tanong sa dalaga at binulungan. " Galingan mo, tapos balato ha," aniya malapit sa tainga nito.
Si Lilith lang nakarinig ng sinabi nito kahit pa si Mav na nasa malapit.
Tinapik ni Lilith ang kamay ng Ginang na nakalahad. Sino ba ang tatanggi kung ganoon ang premyo?
Dalawampu't dalawang libo mula sa mag-asawa at limang piso ni Janina. Kapag nagawa niya, libre na ang cellphone na binigay sa kaniya ni Mav na halos sampung libo rin ang halaga. Papabagain lang ang kusot na nasa ilalim ng kawayan sa pamamagitan ng pagkiskis sa kawayang may b
