Isang mga araw pa ang dumaan at araw na ng Sabado. Ilang araw na lamang at mag-iisang linggo na mula nang dumating ang dalawang matanda at si Priya sa bahay ng mga Jha. Sa mga araw na nagdaang iyon ay mas lalong naging abala si Mav sa pag-aasikaso sa kanilang tatlo. Panay kasi ang yaya nila sa kaniya sa iba't-ibang mga lugar upang makapamili ng mga iuuwi nila pagbalik nila sa India.
Halos wala na siyang oras para kay Lilith dahil pagod na pagod na siya sa maghapong pag-lilibot sa mga mall at souvenir shops at sa pagmamaneho para sa mga ito. Awang-awa sa kaniya si Lilith dahil hindi nito magawang magreklamo sa dalawang matanda. Sa kaniya lamang nito sinasabi ang mga iyon, ngunit napansin ng Mama niya nang minsang hapung-hapo siya nang dumating sila isang hapon galing sa Mall ay natanong n
