“I’ll see you later, Rune.”
“Okay, Rom.”
Pinatay ko ang tawag at tumingin sa tanawin sa labas ng kotse. Ipinasundo ako ni Romanov dahil magkikita kami sa spa para sabay na magpamasahe. Ang sabi nito ay pagmamay-ari nito ang lugar kaya wala akong dapat na ipag-alala.
“Terrence, pasensiya ka na last time, ha. Hindi ako nakauwi. Sinabi sa akin ni Eunice na napagalitan ka pa ni Romanov. Ako na ang humihingi ng tawad. It’s my fault.”
Namula ang mukha ng driver ko at pasimpleng tumikhim.
“Wala pong problema Ma’am Rune. Wala po iyon sa akin.”
“Salamat. Matagal ka na ba kay Romanov?”
Tumango ito. “Opo ma’am.”
“Mga ilang taon na?”
Nag-atubili itong sumagot kaya pinayapa ko siya. “Okay lang kung hindi mo sagutin. Nagpapapatay lang ako ng oras dahil mahaba pa ang byahe.”
“Seven years na p
