ROSETTA FLORES
NAPA-TULALA ako sa sinagot sa ‘kin ng isang soldier pero umagaw kaagad sa aking pansin ang pag-lapag ang pang-huling helicopter at may mga sundalo rin doon na nagsilabasan habang may kan’ya-kan’yang bitbit na mga malalaki at maliliit na mga kahon.
Sa pagkabigla ko, hindi na ako nakapagsalita pa at inaasahan ko talagang makikita ko si Boss Darion. S'ya lang naman ang hinihintay ko, kaysa sa mga regalong mga naka-box.
“Miss, saan namin ililipat ang mga ito?” Kumurap ako nang kinausap ulit ako.
Mariin akong lumunok. “S-Sundan n’yo po ako.” Nauna na akong tumalikod at lumakad palayo.
Sinundan ako ng mga tauhan ni Boss Darion pero lumulutang ang utak ko. Parang hindi ako makakahinga at sumama bigla ang pakiramdam ko. Hindi ko gusto ang ganitong reaks’yon pero nag hintay
