ROSETTA FLORES
PINATAWAG ako sa kuwarto n’ya para ibigay sa ‘kin ang magagandang panali sa buhok. Hindi naging mahaba ang pinagusapan namin pero at least, naging malinaw na sa ‘kin ang lahat. Akala ko uuwi akong luhaan. Naputol lang ang daldalan namin ni Boss nang may pumasok na soldier. Nagkaroon ng biglaang meeting. Nagmadali silang umalis. Okay na ako, ang gaan na ulit ng pakiramdam ko. Bahala na sa susunod na linggo, wasak kung wasak.
Sigurado akong matutuwa si Rocky sa maging resulta.
Hindi ko alam kung anong oras umuwi si Boss dahil alas otcho pa lang yata ng gabi, naka-tulog na ako.
“Good morning, Miss Rosetta…” At pag-sapit ng maaliwalas na umaga, nagising ulit ako sa masiglang bati ni Meng. Hinawi n’ya ulit ang kurtina sa naka-saradong sliding door. Doon na ako bumangon. “M
