ROSETTA FLORES
NAPA-BUGA ako ng malalim na hininga. Marahil kahawig nga n’ya si Boss Darion sa tindig, pustura at maging ang kan’yang imahe pero makikita ko agad ang kanilang malaking pagkakaiba. ‘Yon ay ang expres’yon ng kanilang mga mukha at paraan ng pag-kilos. Base sa karanasan ko, pag-dating sa ‘kin, ang banayad at ang gaan ng emosyon na pinapakita ni Boss Darion. Aaminin kong habang naka-talikod s’ya kanina, talagang napagkamalhan ko s’ya at namamalikmata ako na si Boss Darion na ‘yong nasilayan ko. Dahil nga miss na miss ko na s’ya kaya hindi ko agad napansin.
“I think this is the second? Or... Third time seeing that disappointed expression…”
Napamulsahan s’ya at nakita kong bumaba-taas ang mga mata n’ya para kilatisin ako mula ulo hanggang sa aking mga paa. Nang binalik na an
