"Bago tayo pumasok sa loob ng mystic gate maghanda ang lahat! Tingnan ninyo ang inyong mga dala dala kung sasapat ba iyan sa inyo. Hindi natin maaring hatiin ang mga bagay na hindi naman sa atin. Isa pa, kung sino ang makakakuha ng mga bagay sa loob ng mystic gate ay sa kaniya iyon! Ayoko na mayroong mag-aaway at mamamatay dahil lamang sa nag-aagawan sa iisang gamit, maliwanag ba?!" sigaw ng isang tier seven na qi user.
Kaagad naman na tumango at sabay sabay na nagsabing, "Maliwanag!" ang mga qi user.
Samantala, ang mga magic user naman ay nagsitinginan lamang at saka nagsitanguan. Hindi gaya ng mga qi user, ang mga magic user ay mas maraming bagay na kailangan upang lumakas ang kanilang mga atake. Sa mga tinginan na iyon ay nalaman nila na ang unang makahawak noon ay sa kaniya ang bagay
