SOBRANG SAKIT ng pakiramdam ni Micah dahil sa pakikipaghiwalay sa kaniya ni Andres. Halos maghapon niyang iniyakan iyon. Dinamayan naman siya ng sekretarya niyang si Mercy habang nasa opisina siya.
Ayaw niyang umuwi sa bahay nila na mugto ang mga mata kaya naisipan ng dalaga na dalawin ang best friend niyang si Bianca. Isa itong dentist at nagkataon naman na wala itong pasyente kaya nayaya niya na kumain sa labas.
"Huwag ka nang magsalita. Kahit hindi mo sabihin, alam ko na ang dahilan kung bakit mugto iyang mga mata mo," agad na komento ni Bianca habang kumakain na sila sa isang mamahaling restaurant at nakatitig sa mga mata niyang maga pa rin. “Nag-away na naman kayo ng boyfriend mo, no? At ang kambal na naman ang dahilan,” tanong nito sa tonong may bahid ng iritasyon.
Hindi sumago
