Ang Alamat ni Prinsipe Malik
AiTenshi
Part 23: Seloso si Malik
Litong lito pa rin ako sa mga pangyayari kaya naman halos nawalan ako ng lakas upang mag salita. Nakakabigla kasing malaman ang katotohanan lalo’t hindi naman ito napag handaan. Yung tipong bigla na lamang sumabog sa iyong harapan ng hindi mo namamalayan. "Anak sinabi ko ito sa iyo upang mawala ang mga gumugulo sa iyong isipan. Wala akong intensyon na saktan ka o pasakitan."
"Tungkol sa pag katao ko papa? Katulad mo rin ba ako?" ang tanong ko na hindi maitago ang pag kalito. "Imortal ka rin anak katulad ko ay hindi ka tatanda o mamatay. Dahil mas malakas ang aking dugong dumadaloy sa iyong katawan. At iyon ang dahilan kung bakit ikaw ay mahilig lumangoy dahil natural na sa iyong katawan ang malapit sa tubig."ang pa
