Dahil iisang "pamilya" sila'y nakarating kay Silvia ang nangyari kay OC. Bukod sa sinabi sa kaniya ng mga "magulang" niya'y narinig pa ring niya ito sa mga katulong. Mga katulong na tsismosa kung tawagin niya, kung hindi lang din dahil sa mga "magulang " ay pinalayas na rin niya ang tatlong kasambahay.
"Hmmm, Mommy, maari ba akong luluwas ng Maynila?" tanong niya sa ina.
"Sure, Iha. Ilang araw ba ang gusto mong bakasyon sa Manila, anak?" sagot at balik-tanong ni Princess Ann.
"Iyan ang hindi ko alam, Mommy, dahil dadalawin ko si Daddy doon. Ilang buwan na rin ang nakalipas simula umuwi ako rito, tanging sa telepono lang kami nag-uusap kaya't kung okay lang po ay mga ilang araw din."
Nakatungo niyang kinagat-kagat ang labi. Ang boses ay napakalungkot, nagmamakaawa sa ina na payagan siya
