"TATAY, gising na po siya." Mabilis na pukaw ni Amara sa amang busy sa pagsasaayos sa fishnet na ginamit sa gabing nagdaan.
"Mauna ka na, anak susunod na ako. Tanungin mo kung gusto niyang kumain o 'di naman ay baka nais niyang uminum," tugon ni mang Conrad.
Hindi na sumagot ang dalaga bagkus ay sinunod ang utos ng ama. Bumalik siya sa kinaroroonan ng ampon nila ng mahigit isang buwan. Natagpuan nilang mag-ama na palutang-lutang sa dagat. Sa katunayan ay may kasama itong lalaki. Nakatali ang dalawang kamay. Kaso patay na ang lalaki noong nakatuntong sila sa pampang kaya't ang babae na lamang ang dinala nilang mag-ama sa pagamutan.
"Ah ligtas na po siya, Sir, pero hindi namin alam kung kailan siya magigising dahil. Ayon sa pagsusuri namin ay bukod sa maaring tumama sa metal ang ulo niya
