"Boss! Boss!" Humihingal na tawag ni Tommy sa amo.
"Tsk! Tsk! Ano bang problema mo, Tommy? Aba'y hindi naman kita tatakbuhan kung gusto mo akong kausapin," sabi ni Brian Niel.
"Mamaya mo na ako sermunan, Boss. May tawag ka mula sa kapuluan. Ang sabi niya ay bilisan mo raw dahil ayaw niyang mainip," habol pa rin ang hiningang sagot ni Tommy.
Kaya naman ay tuluyang tumigil ang binata sa akmang pag-akyat sana sa hagdan patungong private deck o sa teritoryo niya. Humarap siya ng maayos sa hindi niya maunawaang binata, kung bakit hingal na hingal ito samantalang galing naman yata ito sa monitor room kaya't nalamang may tawag siya galing sa kapuluan.
"Okay, got it. Pero sino ba ang tumawag? Aba'y sa monitor room ka naman galing sa pagkakaalam ko ah," aniya rito.
"Sorry naman, Boss. Sa pagma
