Ako na lang mag-isa ang naiwan sa bahay. Pumasok na sa paaralan ang mga kapatid ko. Si Logan naman ay sumama kay mama sa palengke para tumulong magtinda at para din daw makapag-usap sila. Idea ni Logan na sumabay kay mama dahil wala rin naman daw siyang gagawin. Habang si Uriel naman ay bagsak ang balikat na sumama kay papa papunta sa bukid para magtanim ng palay. Hindi ko nga mapigilang kabahan dahil wala ngang alam ang mokong na ‘yon sa kahit na anong gawaing bahay, sa pagtatanim pa kaya ng palay? Hindi ko maisip kung anong mangyayari sa kanila mamaya.
Tiningnan ko ang niluluto kong ulam para sa mga magulang ko at sa dalawang mokong na ‘yon. Nang makita kong luto na ay sinimulan ko na itong ilagay sa mga container. At habang ginagawa ko ‘yon ay hindi ko mapigilang maisip sina Logan at U
