"Hija, maaari bang lumabas ka muna ng bahay do'n ka muna sa baba kasi mag-uusap lang kami ng kuya mo." Pakiusap ng uncle ng kanyang kuya.
Mas mainam pa nga siguro na lumabas na lamang siya ng bahay para makapag-usap ng masinsinan ang dalawa. Mukhang may problema ang mga ito na kailangang ma-resolba.
"Huwag kang lalabas Janine, sabay na tayong lalabas para umalis. Wala naman kaming dapat pag-usapan pa ni Uncle kaya please lang huwag kang makinig sa kanya. Aalis na tayo, tsaka sa akin ka lang makinig, aalis na tayo bago magdilim sa bahay na to." Wika pa ng kanyang Kuya.
Napabuntong hininga na lamang siya dahil parang wala na sa tamang pag-iisip ito. Bakit naman kasi pinipilit na umalis sila kahit na hindi naman dapat. Atsaka laging pinagpipilitan na dapat makaalis sila bago magdilim baki
