Nang matapos mainit ni Janine ang ulam na kanyang niluto kanina at isinabay na rin niya ang kanin ay minabuti niya na maghayin na para makakain na sila.
Panay ang sulyap niya sa silid ng kanyang kuya hinihintay niya na lumabas ito doon pero mukhang wala itong balak na lumabas. Kaya naman minabuti niya na lapitan na lamang ito para tawagin dahil natapos na rin siya maghayin.
"Kuya nakahayin na po kakain na. Aayain ko na rin po yung kasama ninyo para makakain na po tayo, medyo nagugutom na rin po kasi ako dahil po kasi sa pag-aalala ko sayo kanina eh hindi na rin po ako nakakain." wika niya dito pero walang tugon siyang natanggap.
Napakunot noo siya, imposible naman kasi na hindi siya nito narinig ay ang lakas naman ng boses niya. Pero baka nakatulog ito kaya muli siyang nagsalita para
