Nanghina ang buong katawan ni Janine dahil sa mga sinabing iyon ng kanyang Kuya Khalil. Para kasing taliwas na iyon sa usapan ng mga ito na uuwi lamang siya sa Manila dahil parang sinadya nito na saktan pa siya ng husto. Ramdam na ramdam niya ang bawat katagang binitawan nito, tagos hanggang buto ang sakit non.
Hindi niya alam bakit ginawa nito iyon pero naisip niya na para siguro sumang-ayon na lamang siya sa pasya nito pero parang totoo kasi ang mga pinagsasabi nito bawat katagang binigkas nito ay parang sibat na paulit-ulit na tumutusok sa kanyang puso.
Napahawak pa nga siya sa kanya dibdib dahil pakiramdam niya ay nahihirapan siyang huminga kaya naman bahagya pa niyang pinalo- palo iyon gamit ang palad para makahinga siya. Ang ibig sabihin na nito hindi na sila mag-uusap ng maayos?
