Isang buwan nang nanatili ng Nueva Ecija si Mari at natututo na siya sa mga gawain sa café. At nasanay na rin ang kaniyang kambal na kapatid sa bago nilang paaralan. Marami na siyang naririnig na kuwento ng dalawa at masayang-masaya ang mga ito habang nagkukuwento.
Kasama niya si Wendy sa may counter ng café at kakabukas lamang nila sa shop. Ilang araw na ring hindi nagpapakita si Jared dahil may inaasikaso itong personal sa Manila. Narinig niya na kausap nito ang magulang at may ipinapaayos ito sa binata.
"Miss mo na ang asawa mo? I mean si Sir Jared?" tanong sa kaniya ni Wendy na inaayos ang suot na cap.
"Ha? Ah... o-oo."
"Nagtataka lang ako kung paano mo naging asawa si Sir Jared, Mari. Ahm... iyong totoo kasi..."
"Mabait si Jared, Wendy. At mabilis lang ding nangyari na minahal na
