Veronica's POV
WALANG TAO.
"Aling Puring?" tawag ko sa pangalan nito para masigurong hindi nga ito ang kumatok kanina, pero katulad ng inaasahan ko, walang sumagot.
Mabilis pa sa alas-kuwatro akong tumakbo pababa ng hagdan habang nagdarasal na sana ay walang susunggab sa akin na aswang o multo sa pagbaba ko. Maisip pa lang ang senaryong iyon ay parang mahihimatay na ako sa sobrang takot.
Nang makalabas ng boarding house ay mabilis akong humakbang patungo sa tindahan ni Aling Puring, pero laking gulat ko nang bumungad sa akin ang nakasaradong tindahan nito.
Napalunok ako ng ilang beses nang makumpirmang hindi nga si Aling Puring ang kumatok kanina. Agad akong humabol kay Lea. Ni hindi ko na binalikan ang nakabukas na pinto ng aming boarding house.
Ano ako, hilo? Paano kung sa pagbal
