Matapos naming makuha ang gem at survival kits namin ay sinabihan kaming pumunta sa gates ng academy kung saan naghihintay ang mga karwaheng maghahatid namin sa kanya-kanya naming puwesto.
“Magdasal ka na hindi magtagpo ang landas natin, Prince Sarkin, dahil sisiguraduhin ko talagang magsisisi ka,” may pagbabantang sambit ni Aeris sa prinsipe.
“Bring it on. Huwag kang iiyak ‘pag naagaw ko sa ‘yo ang gem mo,” banat naman ng prinsipe at muli na naman silang nagkaigihan.
At bago pa mauwi sa pagtatalo ay pumagitna na ako sa kanila. “Stop making a scene, please lang. Kanina pa tayo pinagtitinginan ng mga tao,” saway ko sa kanila. “Mag-focus na lang kayo sa ranking battle, okay?”
“Siya kasi ang nauna, Olivia!” nakangusong sumbot ni Aeris sabay turo sa prinsipe. “He’s irking the hell out of m
