Nang mga sumunod na araw ay hindi magawang magdiwang at magsaya nina Vince at Allyson sa panibagong blessings na dumating sa kanila. Gustuhin man nila ay hindi nila magawa dahil sa kalagayan ni Keane na halos hindi na lumalabas ng bahay dahil sa nangyari.
Kailangan nito ng karamay at kasama para mapayuhan ito at maliwanagan dahil nakikita nila na parang nawalan ng buhay ang kaibigan ng umalis si Alyana. Lagi itong nag-iinom at umiiyak kahit sa harap nila. Wala itong ibang bukang-bibig kun'di ang pangalan ng kaibigan nila—si Alyana.
"Bro.. Hindi ba sobrang aga naman yata ng alak para maging breakfast mo?" bungad ni Vince isang araw ng bisitahin niya ang binata.
Hindi na niya isinama ang dalaga dahil naii-stress ito sa kalagayan ng kabigang si Keane. Napabayaan na nito ang sarili at tan
