Hindi ko alam kung anong emosyon ang namamayani sa puso ko ngayon at nakita ko na lang ang sarili ko na naglakad papunta kina Eloisa na nag-aayos ng mga inumin ngayon. Wala sa sariling kumuha ako ng beer at binuksan ‘yon saka ininom na ikinalaki ng mata nila. Nasa madilim na parte kasi sina Alton kaya hindi napapansin ng mga ‘to at patuloy lang sila sa mga ginagawa nila.
“Uy dahan-dahan lang,” sabi ni Eloisa sa akin at kinuha sa kamay ko ang beer na hawak ko.
Wala na ata ako sa sarili ko para bigla na lang kumuha ng beer at inumin ‘yon kahit hindi naman talagaa ako umiinom ng alak. Ang lakas naman ng epekto ni Alton sa akin para mapainom n’ya agad ako ng alak.
“Where here to enjoy so let me,” sabi ko sa kanya at kinuha ulit ‘yon saka ko tinungga.
Halos maubos ko na ang laman na ala
