TINANGGAP ni Sanya ang tasa ng kape na inabot sa kanya ni Ethan at pagkatapos ay tumabi ito sa kanya sa pag-upo sa hanging chair. Kasalukuyan silang nasa patio para magpahangin ng gabing 'yon.
"Salamat." Hinipan niya ang laman ng tasa bago humigop ng kape.
"Nakausap mo na ba ulit ang Mama mo?" hindi niya inaasahang itanong sa kanya ni Ethan.
Tiningnan niya ito. "Why you ask?"
"Wala naman."
"Bakit, gusto mo na ba akong umalis dito?"
"What?" umayos ito sa pagkaka-upo. "That's not what I mean.
"Then don't ask." inis niyang sabi.
"Sunshine, alam kong wala ako sa lugar para manghimasok sa buhay mo. Pero gusto ko lang na maging maayos kayo ng Mama mo."
"Hindi kami magiging maayos." mariin niyang sabi.
Mahal niya ang kanyang ina at na-mi-miss na rin niya ang closeness at sweetness na me
