Malaikah's PoV
“MAGMUMUKMOK ka na naman ba riyan, Malaikah? Hindi ka ba sasama papunta ng Botolan Zambales? Mamaya nariyan na iyong van na susundo sa atin,” sabi sa akin ni Sphere habang inaayos nito ang mga damit sa itim na traveling bag nito.
“Paano ako pupunta doon? Paano ko haharapin si Sir Trex? Paano ko sasabihin sa kanya na bu—”
Masama akong nilingon ng aking kapatid. Natigilan ako sa pagsasalita at umupo sa gilid ng aking kama. Double bed ang higaan naming dalawa ni Sphere. May bisita kasi si Tita Susan kaya dito ako nag-stay. Hindi na ako umuwi sa bahay ni Uncle Trex dahil ayokong makita si Angelo roon.
“Sigurado naman na alam na iyon ni bayaw.”
Inihagis ko rito ang unan ko. “Bayaw?”
Sinalo naman iyon ni Sphere. “Oo, bayaw ko na si Sir Trex dahil magiging asawa ka rin niya s
