GRAESON’S POV
NAKANGITING sinundan ko nang tingin ang Mommy ko na umalis sa tabi ko. Lalapitan niya ang kapatid niya at mga pinsan ko na kararating lang. Buti, hindi pa nagsisimula ang kasal namin. Saka hindi pa tapos magbihis si Athena.
Napaayos ako nang tayo nang makita ko si Ate Ayeisha na papalapit sa upuang laan sa pamilya nila. Kumaway pa siya sa akin bago tumabi sa asawa niya. Tapos na niya sigurong bihisan si Athena. Kaya paniguradong magsisimula na ang kasal namin.
Beach wedding at private ito kaya kami lang na mag-anak at ilang kaibigan at kakilala na mapagkakatiwalaan ang inanyayahan namin. Mahirap na baka makapasok ang Lester na iyon. Hindi man siya nagpaparamdam sa amin matagal na pero kinakabahan ako. Kinakabahan ako na baka mawala sa akin si Athena.
Sa huling pag-uusap
