ATHENA'S POV
"Mama! Nandito po sila Prince!"
Napatigil ako sa pagkukusot nang marinig ang sinabi ni Ayden mula sa taas.
Nandito ako sa banyo sa may baba. Mas malaki kasi ang banyo dito kaya dito ako naglalaba ng damit naming dalawa.
Kakasara lang ng kainan noon at pasado alas otso na.
Hanggang 7:30 lang talaga ang kainan namin dahil marami pa akong ginagawa. Gaya na lamang ng paggawa ng mga ide-deliver. Pero ngayon, wala pa dahil napadala ko na ang mga order.
"Matulog ka na, anak! Masyado nang late!" ani ko imbes na paniwalaan siya.
May pasok bukas kaya imposibleng pupunta dito si Prince. At sino ang kasama, si G? Busy din iyon sa trabaho.
Hindi na kami nagkita ni GS pagkatapos ng araw na iyon. Pero tumatawag siya sa akin at nangungumusta. Lagi. Kahit na marami akong ginagawa sa ar
