Isang malalim na buntong-hininga ang aking pinakawalan nang makita kong natutulog sa aking kama si Brick. Hindi pa rin pala siya umaalis.
Sa totoo lang hindi naman talaga ito ang dahilan kung bakit ako nilagnat at hindi makapaglakad ng maayos. Noong araw kasi na nalaman kong ikakasal na pala siya ay inabala ko ang aking sarili sa paglilinis ng kuwarto. Sa sobrang kasipagan ko nang araw na iyon, nahulog ako mula sa upuang tinutungtungan ko. Naisipan ko kasing palitan ang mga kurtina sa kuwarto ko.
Iyon ang dahilan kung bakit ako hindi makalakad. Hanggang ngayon ay masakit pa rin ang aking balakang pati na rin ang ibang parte ng aking katawan. Dahil siguro doon kaya ako nilalagnat.
Kaagad akong lumabas ng kuwarto nang mapansin ko ang paggalaw ni Brick. Hindi ko alam kung anong nasa isi
