Halos dalawang oras din ang biyahe bago narating nila Ara ang Balanga City kung saan naroon ang ospital na sinasabi ng kuya ni Angelo.
"Dadaanan lang muna natin saglit yung anak kong panganay bago tayo dumiretso sa ospital. Isasabay ko na kasi siya pauwi mamaya," wika ng kuya ni Angelo.
"Sige po," tugon naman ni Ara pero sa loob-loob niya, parang gusto na lang niyang lumabas na ng sasakyan at mauna na sa ospital. Gusto na talaga niyang makita si Angelo. Nag-aalala siya rito. At hindi rin talaga siya matatahimik hangga't hindi nakikita at nakokumpermang okay ito. At habang nasa sasakyan, panay pa rin ang dalangin niya ng mga oras na iyon.
Mayamaya ay naramdaman niyang unti-unti huminto ang sasakyan kaya mabilis na nabaling ang tingin sa labas ng bintana. 'Welcome to Paradise Resort' iy
