NAPAUNGOL si Alejandro nang magising siya nang hapon na iyon na nanakit ang mukha at mga kamao. Unti-unti niyang iminulat ang mga mata at nakita niya doon si Madison na nakangiwi sa kanya na para bang nararamdaman nito kung gaano kasakit ang kanyang dinarama.
“Stop with that wince, Madi... it hurts, okay? More than you think,” ani Alejandro sabay inipon ang hangin sa dibdib at nagpakawala nang marahas na hangin.
Nang makita niyang mas lalong tumindi ang pagngiwi ng pinsan ay napailing-iling siya at pagak na tumawa. Dahan-dahan siyang bumangon at hindi niya na napigilan ang pagngiwi nang maramdaman ang mga nanghahapding sugat at nanakit na mga pasa. Hindi niya rin maibuka ang mata nang maigi. Pakiramdam niya ay may malaking nakadagan sa kanyang ulo dahilan para mamigat iyon para sa kanyan
