SERYOSO ang mukha ni Alexandria habang tinatahak ang parking lot kung saan niya ipinarada ang sasakyan na Akea Marada. Pagkarating niya doon ay kinatok niya ang mga kaibigan na mahimbing pa ang tulog sa loob ng sasakyan. Sabay-sabay ang mga ito na napaigtad at naniningkit ang mga mata na sumipat sa bintana, ngunit bumalik rin lamang din sa pagkatulog marahil sa obrang pagkapuyat.
Kumatok siyang muli at ang naunang nahimasmasan si Shania at bahagya pang nagulat nang mapagtantong siya ang nasa labas at dali-dali siyang pinagbuksan ng pinto ng sasakyan. Pagkatapos niyang makapasok sa loob ay agad na siniko ni Shania si Heather na bumalik sa pagkatulog. Nang magising si Heather ay awtomatik nitong niyugyog si Mika na agad ding nagising ang diwa nang makita siya.
Sabay-sabay na napatingin an
