Paisa-isa hanggang sa pasinghap na ang naging paghinga ni Hazen habang pinapanood nila ni Prince ang video ng pagpatay kay Mieko. Nakatakip ang isang palad niya sa bunganga niya at mulat na mulat ang mga mata niya na puno ng sindak.
Parehas niya si Prince na nasa kanyang tabi na hintakot na hintakot sa napapanood nila. Hindi man kasi kita ang pagpatay ng as in kay Mieko ay napakalinaw naman na brutal.
"Holy crap!" bigla naisatinig na ni Prince at marahas na tinabig nito ang cellphone dahilan para dumulas iyon sa kamay ni Hazen at mabitawan.
"Oy!" react ni Mando na nagulat. Sinubukan nitong saluhin ang cellphone nito pero huli na, tumilapon na hanggang sa ibaba ng building.
Napanganga na lang si Hazen at ni Harvey na napatingin kay Prince. Nasa mukha nila ang katanungang kung bakit gin
