Hindi ako magkumahog sa pagmamaneho habang tinatahak ang landas papunta sa apartment ni Fionah. Late na ko sa pagsundo sa kanya dahil late ako sa paggising. Napuyat ako sa kakahintay ng tawag niya kagabi kaya hindi ko namalayan kung anong oras na ko nakatulog.
Mga bandang alas-dos ko na nakita na may text galing sa kanya. Humihingi siya ng paumanhin na hindi siya nakatawag sa akin dahil napagod siya sa mga paper works at sobrang antok na raw siya.
Nagmamadali akong bumaba ng kotse nang maiparada ko ito sa gilid ng kalsada malapit sa apartment na tinutuluyan ni Fionah. Patakbo kong tinungo ang daan papasok at agad kong nakita ang landlady niya na nakaupo at nagkakape kung saan madalas ko itong makita na nakatambay.
"Magandang umaga po," magalang kong pagbati.
"Magandang umaga rin, hijo,
