Si Tol ang Lover Ko
AiTenshi
Chapter 18
“MGA PANGAKONG HUWAD”
Halos dalawang araw nalang bago ang kasal ni Arvin,at hindi pa kami nag kikita o nag kaka usap man lamang. Dama ko pa rin ang lungkot sa aking puso. At habang lumilipas ang oras ay pabigat pa ito ng pabigat. Pakiwari ko ay may nakadagan sa akin na malaking bato, nahihirapan ako makipag usap, tila unti unti akong nawawalan ng lakas. Basta nakatahimik lang ako, nakatulala sa isang sulok at pilit na binabalikan kung paano umabot sa ganito ang lahat.
Yung mga araw ng walang katapusang kaligayahan ay halos mag tatapos na. Ang lahat ng iyon ay magiging ala-ala na lamang na mapapangiti ka o kaya ay mapapaluha. Alin lang iyon sa dalawa. Minsan ang mga ala-ala ay masarap isipin pero mahirap balikan dahil tiyak na sakit ang kasunod n
