Mabibilis ang mga hakbang ni Maria na tinungo ang elevator. Sumakay siya roon para makarating sa unit ng nobyong si Liam na matatagpuan sa 8th floor ng building. Nang malaman niyang may sakit ito, kahit hindi maganda ang ginawa nito sa kaniya kahapon ay hindi pa rin niya ito natiis.
Ilang minuto ang lumipas ay tumigil ito at bumukas ang pinto, dali-dali siyang lumabas. Naglakad siya sa pasilyo, sa gawing dulo pa ang kaniyang pakay. Tumigil siya sa tapat ng pinto ni Liam. Alam niya ang pass code ng nobyo. Maraming pagkakataon na pumunta siya rito. Minsan dito siya nagpapahinga kung malapit lang sa lugar ang trabaho niya.
Bumukas agad ang pinto ng pindutin niya ang mga numero. Tahimik sa loob, nasa ayos naman ang lahat at wala siyang nakikitang kalat maliban sa kaliwang pares ng pulang h
