50.
HINDI magkandaugaga si Ruth sa pagsubo ng pagkain niya. Natataranta siya at ang puso niya ay kumakabog na husto.
Kalma, heart. Si Lush Miguel Montesalvo lang iyon. Walang espesyal sa lalaking iyon na nakikipaghalikan kay Patricia Yabang.
Iyon ang litanya ng dalaga sa sarili niya saka siya uminom ng tubig. Halos hindi niya malunok ang pagkain niya sa sobrang kaba niya.
Mahal niya si Lush pero ayaw na niyang mag-krus pa ang landas nilang dalawa. Kahit na mayaman si Lush, hindi siya maghahabol-habol tungkol sa pagbubuntis niya. It would be better for her to stay away from him and Baron.
Kaya niya.
“Ruth!”
Halos matumba siya sa upuan nang marinig ang tumitili na boses ng kanyang mga kasamahan, papalapit sa quarter nila. Mabilis siyang tumayo at hindi niya alam kung saan siya susuot,
