43.1
GULAT si Ruth nang bumukas ang pintuan at malaking katawan ni Lush ang sumampay sa kanya.
“Susko!” Tili niya saka pilit na inalalayan ang binatang sinilip siya at nginitian.
Dinutdot nito ang ilong niya Gamit ang hintuturo nito.
“S-Sandali,” aniya saka isinara ang pintuan.
“Hindi tayo makakapanhik,” aniya rito.
Matayog ang hagdan at baka gumulong sila parehas ni Lush. Napakalaking lalaki pa naman nito at kapag nadaganan siya ay baka daig pa niya ang sinagasaan ng pison.
“Dito lang tayo matutulog sa baba. Sandali, kukunin ko ang sapin. Maupo ka,” humahangos na sabi niya saka ito inalalayan na makaupo sa sofa.
Umungol ito at umiling pero nagmamadali ang dalaga sa itaas, kinuha ang makakapal na comforter na nakasapin sa kama.
Bumaba siyang muli matapos na kunin ang mga iyon, kas
