35.
“PUNTA ka parking, CEO.”
Iyon ang text na nagpakurap kay Ruth habang siya ay nag-aasikaso papauwi. She's so tired.
Bakit naman nagsundo pa si Lush? Baka may makakita sa kanya. Napatingin siya kay Berna na halos tapos ng mag-asikaso. Naroon pa rin ang iba niyang mga kasama.
“I'll wait for you, sweetie.”
Diyos ko po. Anong ire-reply niya? Si Ricky ang hinihintay niyang mag-update sa kanya pero hanggang ngayon ay wala pa rin.
Napabuntong hininga na lang siya. Hindi niya magawang tumanggi kahit na sa loob niya ay ayaw sana niya.
“B-Berna,” tawag niya sa kaibigan na kaagad naman na tumingin, matapos isukbit ang body bag.
“S-Si Sir L-Miguel…hinihintay daw ako sa parking,” aniya sa mahinang boses kaya nanlaki ang mga mata nito.
“What?” Luminga nitong tanong, “Baka iba na ‘yan, friend
