"Kumusta na kaya sina Tita Pia at Karina?" Tanong niya kay Nico habang nasa sasakyan sila, niyaya siya ng asawa na lumabas, mamasyal daw sila at pinagpasuot pa siya ng magandang dress, sumunod naman siya kahit wala siyang idea kung saan sila pupunta ng asawa. Baka may pa surprise date na naman ito sa kanya.
"No idea, kahit ang Daddy mo hindi na interesadong alamin pa kung saan na ang mag ina," tugon ng asawa sa kanya na sa kalsada nakatuon ang atensyon.
Tatlong araw na rin mula nang mangyari ang pagpapalayas sa madrasta niya at kay Karina sa bahay ng Daddy niya. Iniutos lahat ng Daddy niya kay Atty. Valdez ang pagpapapirma sa annulment paper ng mga ito, at pagpapaalis sa mag ina nang gabing iyon. Nasaksian niya ang pag alis ng mag ina sa bahay ng Daddy niya na walang ano mang dala. Sinub
