Hindi makapanipaniwala si Renzo habang nakatitig kay Darren. Ayaw nitong sumamang umuwi. Nakatalungko lang ito sa ibabaw ng kama na yari sa kahoy at isang uga na lang yata ay masisira na. Kanina pa ito tahimik. Hindi nagsasalita kahit tanungin niya.
Pinagala niya ang paningin. Napakamiserable ng paupahang kuwarto na iyon. Madumi. Kanina pa niya nakikita ang mga nagpapaligsahang daga. May dumapo pang ipis sa ulo niya kanina. Hindi niya akalain na masisikmura ni Darren na tumira doon.
Napahawak na lang siya sa sintido nang mamataan ang mga kapit-bahay na sumisilip sa mga butas ng dinding. Tila nanood lang ang mga ito ng shooting. Pinaalis niya para makausap ng masinsinan si Darren pero hindi pa rin sumunod ang mga ito. Nagkasya na lang sa pag-upo sa tabi nito at titigan ito.
Natawagan na
