Hindi makatingin ng deretso si Darren sa kapatid niya kahit video chat lang iyon. Galit ito sa kanya. Umiiyak. Katakot-takot na sermon ang natanggap niya mula dito. Nakarating na kasi sa kapatid niya ang video. Tuluyan na kasing lumaganap ang video scandal niya. Sa palagay niya ay kalahati na ng bansa ang nakapanood niyon.
Para hindi makarating sa ama ang naturang video ay sinadya pa ng kanyang ina na sirain ang cellphone nito. Kunwari ay naisama nito sa labahin. Ginawa iyon ng kanyang ina para hindi ito mababad sa social media dahil oras na makita nito ang kanyang video ay tiyak hindi siya nito mapapatawad. Natatakot din siya sa kung ano ang maaring epekto no'n sa kanyang ama. Mahina kasi ang puso nito. Baka kung mapaano pa ito.
"I'm so sorry, ate!" Iyon lang ang tanging nasambit niya m
