Kinabukasan ay maaga pa rin kaming nagising dahil sa napakalamig na klima dito sa Baguio. Magdamag na nakayakap sa akin si Sir Gabriel mula sa likuran ko habang ako naman ay nakayakap kay Bokbok.
Mukhang nilamig din kasi si Bokbok dahil nakayakap din siya sa akin ng mahigpit.
Maaga akong nagtimpla ng mainit na kape sa kusina. May nakita rin akong box ng pancake sa cabinet, kasama ng mga de lata at malapit na siyang mag-expire. Pero p'wede pa naman ito dahil may dalawang buwan pa siyang natitirang palugit. Sayang naman kung itatapon lang.
Palitan na lang ito ni Sir Gabriel ng bago kung sakaling hahanapin ito ng may-ari.
"Hmmm, bango! Bango naman n'yan, Mama!" sigaw ni Bokbok sa napakatinis niyang boses habang nakaupo sa isang silya sa harapan ng mesa.
Maaga rin siyang nagising at ngay
