Pag-akyat namin sa itaas ng mansion ay ang silid sa kaliwang bahagi sa mahabang hallway ang binuksan ni Gab. Sa tapat niyon ay ang silid na inukupa noon ni Nicole.
Napatanaw din ako sa sumunod pa na pinto sa kanang bahagi kung saan inukupa naman namin ni noon ni Bokbok. Wala namang ipinagkaiba ang mansion na ito hanggang ngayon. Katulad pa rin noong unang salta namin dito ni Bokbok.
"Come, baby. We're in Papa's room now."
Napalingon ako kay Gab sa sinabi niyang 'yon. Nabuksan na niya ang pinto ng isang silid at pumasok na sila sa loob habang buhat niya si baby Gracelyn na natutulog pa rin hanggang sa ngayon at nakasunod naman sa kanya si Bokbok.
Siguro ay nakalimutan na rin ni Bokbok ang bahay na ito dahil wala naman akong narinig na anumang kumento mula sa kanya.
Humalik din naman
