Pagdating nila sa Moalboal, napangiti si Jether nang maalala ang lahat ng nangyari noong gabing 'yon. Oo at nakainom siya pero hindi talaga siya ganun kalasing eh. "Naalala ko tuloy ang nangyari noon," sabi niya habang hinintay ang susi ng kanilang magiging kwarto.
"Ang ano?" Nagmaangmaangan si Chad.
"Alam mo na 'yon," sagot ni Jether.
"Ah iyon ba?" tanong ni Chad at sabay silang natawa.
Malamig ang hangin sa tabing-dagat, ngunit nakaramdam siya ng pag-iinit ng katawan dulot ng ininom na alak, at ang pagkakalapit niya sa kanyang crush na si Jether. Alam ni Chad na maputi ang buhangin sa Basdaku ngunit wala siyang pakialam doon. Ang tanging nasa isip niya ay ang lalaking katabi.
Oo nga at marami silang nakapapalibot sa bonfire dahil isang grupo naman silang nagpunta sa Moalboal ngunit
