Hanggang sa kanyang pag-uwi ay tulala pa rin si Pasha. Sa isang iglap ay nagbago ang kanyang pananaw sa buhay. Ewan ba niya pero bigla na lamang na ang kanyang isipan ay sinakop ng mga ideya kung papaano niya papalaihin ang kanyang anak. Oo nga at tomboy siya, hindi siya purong babae ngunit babae pa rin siya.
“Saan ka galing? Kanina pa ka hinanap ng kapatid mo,” sabi ni Judith nang dumating si Pasha na para bang ang lungkot-lungkot ng mukha. “May problema ka ba Pasha?”
“Narito si Kuya? Akala ko ba ay nag-Europe ulit siya?” Kumunot ang kanyang noo habang hinintay ang sagot ng Mama niya. Napabuntonghininga na lang siya dahil may kailangan na naman siyang problemahin. “Nasaan siya, Ma?”
“Nando’n sa harden,” sagot ni Judith.
“Pupuntahan ko,” sabi ni Pasha.
Habang papunta si Pasha sa kanil
