"Jayson, tanggapin mo ang singsing na ito, tanda ng aking pag-ibig sayo. Salamat sa tapat na pagmamahal na ipinagkaloob mo sa akin. Salamat dahil sa kabila ng lahat ng mga kapintasan ko ay minahal mo pa rin ako ng totoo. P-Pangako ko sayo, ikaw lang ang pakamamahalin ko habang ako'y n-nabubuhay...." napatigil siya sa puntong iyon ng hindi na niya mapigil ang kanyang luha sa pagpatak, si Jayson naman ay napahagulhol na at maging ang mga saksi sa kanilang pag-iisang dibdib ay naging emosyunal na rin. Pero pinakamalakas ang iyak ng kanyang Inay at ni Charlotte.
Ngumiti siya ngunit may bahid ng lungkot ang ngiting iyon.
".... Pinapangako ko na magiging mabuti akong asawa at ina sa magiging anak natin k-kahit sa k-konting panahong makasama ko kayong d-dalawa. S-Sana kung sakaling ipahintulo
