"Love, please wag ka namang magbiro ng ganyan," umiiyak na sabi ni Jayson sa asawa, bahagya siyang lumayo dito.
"Wala talaga akong makita Love, puro kadiliman lang ang nakikita ko. Maging ikaw, ang mga anak nating nagtatampisaw sa tubig, ang tubig, ang langit, ang lahat. Love, bakit ganito? M-mabubulag na ba ako? A-ayokong mabulag," umiiyak nitong sabi sa kanya, mababakas ang takot sa boses nito.
Hinawakan niya ang magkabilang pisngi nito at saka masuyo itong hinalikan sa noo. Pinunasan niya ang mata nitong luhaan. Tsaka marahang hinawakan sa magkabilang balikat. Pinilit niyang pakalmahin ang sarili.
" Please, wag ka ng umiyak ha. S-Siguro, kailangan mo lang magpahinga para manumbalik ang paningin mo. H-Hindi ka mabubulag, kaya ipanatag mo ang loob mo ha. Hindi ko mapapahintulutan yo
