Edna
Naantala ang masarap at mahimbing kong pagtulog nang makaramdam ng kiliti sa aking kili-kili. Inaantok pa ako kaya naman ay hindi mo na ako nagdilat. Pinakiramdaman ko ang aking sarili kung ano ba ang mayro'n sa aking paligid. Pero nang lumipas ang ilang sandali at hindi na naulit ang nakakakiliting pakiramdam na iyon ay napangiti ako bago binalikan ang masaya kong panaginip.
Panaginip kung saan pagkatapos ng limang taon naming pagsasama ni Jethro ay nanatili pa rin kaming magkasama at masaya sa piling ng isa't isa. Panaginip kung saan ko nakita ang aking sarili na nakangiti habang pinapanood ang aking mag-ama na nagtatawanan. Panaginip kung saan wala na akong nararamdamang takot at pangamba.
Kakaibang panaginip kung kaya't ayaw ko nang magising pa at bumalik sa kasalukuyan kong
