Edna
Lakad-takbo ang ginawa ko nang matagumpay na nakalabas sa pamamahay ng aking asawa na nagsilbing kulungan ko. Habang tumatakas ay maraming gumugulo sa aking isipan lalo pa at nakakaramdam na ako ng pagod. Inuuhaw na rin ako dahil talagang tirik na tirik pa ang araw. Nang makita ang paparating na truck ay agad akong nagtago sa likod ng malaking puno.
Saktong huminto ito sa aking harapan at saka biglang bumaba ang driver niyon. Binalot ako ng kaba ngunit agad din nakahinga nang makitang umihi lang pala ito. Dali-dali akong sumakay sa likuran ng truck at nagtago sa likod ng malaking basket. Mas lalo akong nakaramdam gutom nang makita ang maraming prutas.
"Kuha ako, huh? Sorry na agad. Gutom na kasi ako eh," bulong ko. Bago kinuha ang pulang apple ay lumunok muna ako ng paulit-ulit
