"Hayop ka, Paris, ang sakit-sakit na!" hiyaw ni Belle ng bigla na namang humilab ang kanyang tiyan. Mahigpit ang hawak niya sa kamay ng asawa na napangiwi na lang sa tuwing bumabaon ang kuko nito sa kanyang balat. Papasok na ito sa delivery room. Sobrang ingay ng babae na akala mo'y kinakatay. Mas lalo tuloy kinabahan ang asawang kanina pa tensyonado.
"Hayop ka talaga, hindi na 'to mauulit! Mag-mariang palad ka na lang habang buhay!" hiyaw nito nang tuluyan nang isara ang pinto. Hindi naman mapakali si Paris na nasa labas lang ng delivery room. Tinawagan na niya ang ina at ang magulang ni Belinda. Tanging gamit lang ng bata ang nabitbit nila. Naka-short nga lang siya habang ang asawa ay naka maternity dress. Alas-2 pa lang ng madaling araw at talagang nataranta siya nang sumigaw ang asaw
