Naramdaman ni Bop ang bahagyang paghigpit ng paghawak ni Junrel sa kamay niya na lalong nagpalakas sa pagkabog ng kanyang dibdib. Parang gusto niyang maiyak dahil mapaisip lang siyang aalis na ito at baka hindi na makikita ulit ay sobrang nagpapasikip sa kanyang dibdib.
“I-I have to go to the ladies’ room,” pagpaalam na lang niya nang mahina at nakayuko.
“Okay,” anitong itinaas ang kamay niyang hawak nito at hinalikan ang likod niyon.
Ramdam niya ang mainit nitong labing dumantay sa kanyang balat na nagpasinghap sa kanya.
“Don’t take too long,” anitong unti-unti ang pagbitiw sa kanya na tila gusto pa nitong higpitan ang paghawak sa kanya anumang sandali. Humigpit nga ito nang ilang beses at napalunok ang dalaga. Sa huli ay bumitiw rin ito nang nagbawi siya ng kamay.
Mabilis siyang nag
